medieval-religion: Scholarly discussions of medieval religion and culture
I'm sure everyone is familiar with Ernulf's comprehesive curse or
excommunication from the "Textus Roffensis" that Laurence Sterne printed as
Volume 3, Chapter 11 of "Tristram Shandy"?
John Briggs
Textus de Ecclesia Roffensi, per Ernulfum Episcopum.
Cap. XXV.
Excommunicatio.
Ex auctoritate Dei omnipotentis, Patris, et Filij, et Spiritus Sancti, et
sanctorum canonum, sanctaeque et entemeratae Virginis Dei genetricis Mariae,
Atque omnium coelestium virtutum, angelorum, archangelorum, thronorum,
dominationum, potestatuum, cherubin ac seraphin, & sanctorum patriarchum,
prophetarum, & omnium apolstolorum & evangelistarum, & sanctorum innocentum,
qui in conspectu Agni soli digni inventi sunt canticum cantare novum, et
sanctorum martyrum et sanctorum confessorum, et sanctarum virginum, atque
omnium simul sanctorum et electorum Dei, Excommunicamus, et anathematizamus
hunc (vel hos) furem (-s), vel hunc (vel hos) malefactorem (-s), N.N. et a
liminibus sanctae Dei ecclesiae sequestramus, et æternis suppliciis
excruciandus (vel -i), mancipe(n)tur, cum Dathan et Abiram, et cum his qui
dixerunt Domino Deo, Recede a nobis, scientiam viarum tuarum nolumus: et
ficut aquâ ignis extinguatur lucerna ejus (vel eorum) in secula seculorum
nisi resipueri(n)t, et ad satisfactionem veneri(n)t. Amen. Maledicat illum
(-os) Deus Pater qui hominem creavit. Maledicat illum (-os) Dei Filius qui
pro homine passus est. Maledicat illum (-os) Spiritus Sanctus qui in
baptismo effusus est. Maledicat illum (-os) sancta crux, quam Christus pro
nostra salute hostem triumphans ascendit. Maledicat illum (-os) sancta Dei
genetrix et perpetua Virgo Maria. Maledicat illum (-os) sanctus Michael,
animarum susceptor sacrarum. Maledicant illum (-os) omnes angeli et
archangeli, principatus et potestates, omnisque militia coelestis. Maledicat
illum (-os) patriarcharum et prophetarum laudabilis numerus. Maledicat illum
(-os) sanctus Johannes Praecursor et Baptista Christi, et sanctus Petrus, et
sanctus Paulus, atque sanctus Andreas, omnesque Christi apostoli, simul et
caeteri discipuli, quatuor quoque evangelistae, qui sua praedicatione mundum
universum converterunt. Maledicat illum (-os) cuneus martyrum et confessorum
mirificus, qui Deo bonis operibus placitus inventus est. Maledicant illum
(-os) sacrarum virginum chori, quae mundi vana causa honoris Christi
respuenda contempserunt. Maledicant illum (-os) omnes sancti qui ab initio
mundi usque in finem seculi Deo dilecti inveniuntur. Maledicant illum (-os)
coeli et terra, et omnia sancta in eis manentia. Maledictus (-i) si(n)t
ubicunque, fueri(n)t, sive in domo, sive in agro, sive in via, sive in
semita, sive in silva, sive in aqua, sive in ecclesia. Maledictus (-i)
si(n)t vivendo, moriendo, manducando, bibendo, esuriendo, sitiendo,
jejunando, dormitando, dormiendo, vigilando, ambulando, stando, sedendo,
jacendo, operando, quiescendo, mingendo, cacando, flebotomando. Maledictus
(-i) si(n)t in totis viribus corporis. Maledictus (-i) si(n)t intus et
exterius. Maledictus (-i) si(n)t in capillis; maledictus (-i) si(n)t in
cerebro. Maledictus (-i) si(n)t in vertice, in temporibus, in fronte, in
auriculis, in superciliis, in oculis, in genis, in maxillis, in naribus, in
dentibus, mordacibus, in labris sive molibus, in labiis, in guttere, in
humeris, in harnis, in brachiis, in manubus, in digitis, in pectore, in
corde, et in omnibus interioribus stomacho tenus, in renibus, in inguinibus,
in femore, in genitalibus, in coxis, in genubus, in cruribus, in pedibus, et
in unguibus.
Maledictus sit in totis compagibus membrorum, a vertice capitis, usque ad
plantam pedis - non sit in eo sanitas.
Maledicat illum Christus Filius Dei vivi toto suae majestatis imperio et
insurgat adversus illum coelum cum omnibus virtutibus quae in eo moventur ad
damnandum eum, nisi penituerit et ad satisfactionem venerit. Amen. Fiat,
fiat. Amen.
**********************************************************************
To join the list, send the message: join medieval-religion YOUR NAME
to: [log in to unmask]
To send a message to the list, address it to:
[log in to unmask]
To leave the list, send the message: leave medieval-religion
to: [log in to unmask]
In order to report problems or to contact the list's owners, write to:
[log in to unmask]
For further information, visit our web site:
http://www.jiscmail.ac.uk/lists/medieval-religion.html
|