Mae hyn i gyd yn wir ei wala. Yn anffodus, hyd y gwelaf i nid oes rhestr gynhwysfawr swyddogol i’w chael. Ar ben hynny, daw’n boenus o amlwg nad yw pob un o’r rheiny sy’n llunio’r rhestrau hyn yn deal y cysyniadau perthnasol. Bydd angen trafodaeth drylwyr ryw ben – gorau po gyntaf.

 

Yn iach,

 

Tim

 

 

Mae’r rhain yn broblem yn gyffredinol a defnyddio ansoddeiriau’n gorffen efo ‘aidd’ ac ‘ig’ wedi mynd yn arfer er eu bod yn aml yn chwithig iawn. Mae’r disgrifiadau sy’n cynnwys dwy elfen yn fwy o broblem eto e.e. Black Asian ac fe drafodwyd hyn ychydig yn ôl yn y cylch. Ai Asiaid Duon yw’r diffiniad ynteu Pobl Dduon Asiaidd? Mae gwir angen cael rhestr swyddogol sydd wedi’i chreu gan rywun sy’n deall y cysyniadau’n iawn ond sydd hefyd yn deall sut mae’r Gymraeg yn gweithio.  Dw i ddim yn meddwl bod ‘O’r Dwyrain Canol’ yn fanwl gywir, oherwydd does dim rhaid i rywun fod yn dod o’r dwyrain canol nac oes, dim ond ei fod o dras sydd â’i wreiddiau yn y rhan honno o’r byd?  Neu ydw i’n cymhlethu pethau?

Carolyn

 

 

Ond Cymraes ydw i, a fanno mae’r broblem!  Ond na, o ddifri – onid disgrifio’r ‘tarddiad ethnig’ mae’r gosodiad bob tro?

 

Beryl

 

From: Discussion of Welsh language technical terminology and vocabulary [mailto:[log in to unmask]] On Behalf Of Osian Rhys
Sent: 10 November 2016 11:19
To: [log in to unmask]
Subject: Re: Near Eastern