Mae’r rhain wedi cael eu trafod o’r blaen ond maen nhw’n codi’n aml iawn. Dw i’n gwybod bod y geiriau’n gywir, ond dw i’n ei chael hi’n anodd iawn i ddefnyddio ‘meddiannu’ a ‘meddiannydd’ am ‘occupy’ ac ‘occupier’ oherwydd bod yna rywbeth yn y geiriau, wrth sôn am dir neu dy, sy’n awgrymu i mi bod yr eiddo wedi cael ei gymryd oddi ar rywun arall. Yr un fath efo ‘tirfeddiannwr’. Pan fydda i’n llenwi ffurflenni mae’n well gen i gael fy nisgrifio fel ‘perchennog tir’ nag fel ‘tirfeddiannwr’, ac mae’n debyg bod yn well gen i fod yn ‘ddeiliad’ nag yn ‘feddiannydd’.

Mae rhywbeth bach yn poeni pawb ...

Rhian