Yr Anthem Wladol, “Duw Gadwo’r Frenhines”

(Cyfieithiad buddugol Gwilym Mai, Caerfyrddin.)

 

Duw cadw ar bob awr,

Frenhines Prydain Fawr,

               Amddiffyn hon:

Amgaera Di ei sedd,

Rhag creulawn rwyg y cledd,

O cadw hyd y bedd

              Victoria lon.

Duw gwasgar ar bob pryd

Elynion hon i gyd,

               Tor hwynt i lawr:

Dyrysa’u bradau cudd,

Diddyma’u castiau prudd,

Ein hyder ynot sydd,

               О Arglwydd mawr.

Bendithion pena’r nen

Dyhidla ar ei phen;

               Hir oes i hon:

Diffyned deddfau n tir,---

Ninnau о galon bur

Ddymunwn einioes hir

               Victoria lon.

Caed Albert ddyddiau hir

I noddi’n Banon bur,

               A hedd i’w fron:

Ei ymgais ef о hyd

Fo llwyr ddiwygio’r byd,

A byw yn serch a phryd

                Victoria lon.

Ac i’n T’wysoges fach,

О bydded hiroes iach,

                 Heb unrhyw loes;

Boed Duw yn Dduw i r Fam,

Yn nawdd i r Tad rhag cam,

A chadw’r Ferch rhag nam,

                 Hyd ddiwedd oes.

 

Y Gwladgarwr, 1840, t.59

---

Date: Thu, 5 Jun 2014 23:34:13 +0200
From: [log in to unmask]
Subject: Re: God Save the Queen!
To: [log in to unmask]

Na, fedra inna yn fy myw chwaith ddim dirnad pan basa Gwyddel isio gweld geiria'r gan yna heb son am ei chyfieithu i'r Wyddeleg - pawb at y peth y bo.

Anna

Ye who opt for cut'n'paste

Tread with care and not in haste!

2014-06-05 23:15 GMT+02:00 Muiris Mag Ualghairg <[log in to unmask]>:

Meg, diolch, mae fy nghefnder yn Iwerddon eisau'r geiriau (ac allaf i ddim yn fy myw ddychmygu y byddai'n eu canu chwaith) - mae wedi addo cyfieithu'r Saesneg i Wyddeleg hefyd (eto, allaf i ddim dirnad paham byddai rhywun eisiau gwneud y fath beth!).

Ann, diolch am edrych.

Muiris

2014-06-05 21:50 GMT+01:00 Ann Corkett <[log in to unmask]>:

'Rwy'n falch bod Meg wedi llwyddo.  Edrychais mewn copi o "Emynau'r Llan", ym mynegai'r mesurau, heb ei gael.  Yn eironig, mae un am freinin arall yn y mesur hwnnw:
Ni chafodd brenin nef
Y dydd y ganed ef
Un cartref gwych!

Ann

On 05/06/2014 18:16, Muiris Mag Ualghairg wrote:

Gyfeillion

A oes gan un ohonoch chi gopi o eiriau God Save the Queen yn Gymraeg. Rwy'n gwybod bod y geiriau ar gael mewn llyfr emynau (un o eiddo'r Eglwys  yng Nghymru), a dweud y gwir mae gennyf i gopi ond mae wedi'i gladdu dan gannoedd o lyfrau eraill mewn storfa ac mae angen y geiriau arnaf yn weddol sydyn. 

Diolch ymlaen llaw

Muiris

No virus found in this message.
Checked by AVG - www.avg.com
Version: 2014.0.4592 / Virus Database: 3955/7626 - Release Date: 06/05/14