Er gwybodaeth, dyma sydd yn ‘Enwau Lleoedd Bro Dyfrdwy ac Alun’:

‘Morfa hallt’ yw ystyr Saltney. Mae’r -ey yn cyfeirio at dir sych mewn corsdir; yn yr achos yma y môr oedd yn peri i’r corstir fod yn wlyb.

Ymhen amser, newidiodd afon Dyfrdwy ei chwrs fel canlyniad i’r siltio parhaol, gan adael erwau lawer i sychu’n naturiol; yn wir ceir cyfeiriadau at ‘the great pasture called Salteney’ (1639).

Fodd bynnag er mwyn sicrhau rhywfaint o fasnach i Gaer a’r glannau awgrymwyd torri yr hyn a alwyd yn New Cut mewn llyfr o’r enw ‘England’s Improvements by Sea and Land’ (1674). Yn 1737 cwblhawyd y cynlluniau o gamlesu’r afon o Golftyn hyd at gyrion Caer. Roedd cwrs newydd yr afon yn rhoi Saltney unwaith eto yn agos i’r afon, ond bod y tir yn llawer sychach na’r morfa hallt ganrifoedd ynghynt.’

Rhian

Ddim yn ôl Dictionary of the Place-names of Wales a dyw e ddim yn y Gazetteer.