Roeddwn i wastad wedi cymryd yn ganiataol mai ‘yr ysbyty hon’ oedd yn gywir gan mai dyna oeddwn i wedi ei glywed a dyna sydd yn swnio’n ‘iawn’ i mi, ond o edrych mewn geiriaduron a rhestrau termau yn ddiweddar mae’n ymddangos mai gwrywaidd yw ysbyty yn ôl y mwyafrif ohonynt.

A yw’r ddau’n gywir? Neu a oes rheswm da i’w roi yn wrywaidd? A beth sy’n swnio’n naturiol ac yn ‘iawn’ i chi ac yn cael ei ddefnyddio? Mae gen i ddogfen i’w chyfieithu a fydd angen naill ai ‘Ysbyty Goffa’ neu ‘Ysbyty Coffa’ yn flaenllaw yn y teitl, felly fe fyddai cael ateb yn ddefnyddiol iawn.

Diolch ymlaen llaw am unrhyw oleuni,

Iwan