Diolch i bawb am eu hymatebion.
Fi’n cytuno â Bruce yn yr achos yma,
bod y gair ‘pen-blwydd’ YN goleddfu’r gair
‘anrheg’ ac y dylid ei dreiglo yn y cyd-destun hwn. Cyfeiriais
eisoes at y ffaith bod enghreifftiau yng Ngeiriadur yr Academi o anrheg briodas
a gwisg briodas. Nid y genidol sydd fan hyn yn fy marn i, nid yw’r anrheg
yn perthyn i’r briodas. Swyddogaeth ansoddeiriol sydd i’r gair
priodas a phen-blwydd yn y cyd-destun hwn.
Yn anffodus, mae’n debyg bod rhai yn
ceisio osgoi treiglo cymaint â phosib, gan weld y genidol ym mhob man. Ac mae
sawl enghraifft lle gallwch roi ‘ar gyfer’ (prawf honedig y
genidol!) rhwng dau enw hyd yn oed pan fo’r ail enw yn bendant yn
ansoddeiriol.
O ystyried pryd mae defnyddio
‘neu’ ac ‘ynte’, mae Steffan yn iawn na ddylid cywiro
iaith pobl ar y cylch. Yn aml, mae pobl yn sgwennu ymholiadau ar frys heb fynd
nôl dros y gwaith i’w fireinio hyd at safon gwaith academaidd. Yr
ymholiad ei hun sy’n bwysig, nid iaith
yr ymholiad. Hyd yn oed os yw’r defnydd o ‘ynte’ yn fwy cywir
na ‘neu’ yn y cyd-destun dan sylw, ydy’n bosib bod y gair
‘ynte’ wedi cael ei ddydd a’i fod yn marw allan yn raddol.
Nid wy’n sylwi ar gryn ddefnydd arno
erbyn hyn.
Paul
From:
Discussion of Welsh language technical terminology
and vocabulary [mailto:[log in to unmask]] On Behalf Of Carolyn
Sent: 13 January 2011 09:59
To: [log in to unmask]
Subject: ATB: Anrheg ben-blwydd
neu anrheg pen-blwydd?
Cytuno Eurwyn - mae'n codi o hyd ac yn
creu anghysondeb mawr. Mae'r ffin yn aml yn niwlog rhwng diffinio a goleddfu ac
mae'r anghysondeb yn fy mhoeni i fwy na'r treiglo neu beidio. Mae enwau
swyddogol adrannau/swyddfeydd/strategaethau ac ati i gyd yn amrywio - rhai'n
treiglo, rhai ddim ac mae'n edrych yn rhyfedd iawn pan fydd yr anghysondeb yma'n
digwydd o fewn dogfen, neu o fewn brawddeg weithiau e.e. Term Cymru :
Strategaeth Plant/Strategaeth Dai.
Carolyn
Oddi wrth/From: Discussion of Welsh language technical terminology and vocabulary
[mailto:[log in to unmask]] Ar
ran Eurwyn Pierce Jones
Anfonwyd/Sent: 12 Ionawr 2011
18:05
At/To:
[log in to unmask]
Pwnc/Subject: Anrheg ben-blwydd
neu anrheg pen-blwydd?
Er bod
‘pen-blwydd’ yn diffinio
cyd-destun yr ‘anrheg’, dydy
‘pen-blwydd’ ddim yn
goleddfu’r enw ‘anrheg’ yn ansoddeiriol; ac
felly ni ddylid treiglo’n feddal - fel y bydd angen yn gyffredin yn achos
ansoddair a fo’n dilyn enw benywaidd. Dyma gam-gymeriad sydd
i’w ganfod yn gyson, ac mae enghreifftiau lu ohonynt i’w gweld yn
amlwg o amgylch y lle. Un arall a welais i’r bore yma oedd
‘Swyddfa Yrfaoedd’ yn hytrach na’r teitl cywir: Swyddfa
Gyrfaoedd (am yr un rheswm ag uchod).
Eurwyn
From:
Discussion of Welsh language technical terminology
and vocabulary [mailto:[log in to unmask]] On Behalf Of Vaughan-Thomas, Paul
Sent: 12 January 2011 12:35
To:
[log in to unmask]
Subject: Anrheg ben-blwydd neu
anrheg pen-blwydd?
All rhywun fwrw goleuni
ar hyn plîs? Beth yw’r cyfieithiad cywir am ‘birthday
present’? Rwy am roi ‘anrheg ben-blwydd’ - mae anrheg yn
fenywaidd wrth gwrs ac mae swyddogaeth ansoddeiriol i ‘pen-blwydd’
fan hyn. Mae hefyd yn dilyn yr un patrwm ag ‘anrheg briodas’,
‘teisen briodas’ ac ati. Mae amheuaeth oherwydd ei fod yn
swnio’n od treiglo’r gair pen-blwydd ond a oes unrhyw sail dros
beidio â’i threiglo?
Rwy’n aros yn
ddisgwylgar am unrhyw ymateb
Diolch
Paul
Paul Vaughan Thomas
Cyfieithydd Translator
Canolfan Gymraeg San Helen St
Helen’s Welsh Centre
(01792)
462067
******************************************************************
This e-mail and any files transmitted with it are confidential and intended
solely for the use of the individual or entity to whom they are addressed. If
you have received this e-mail in error, please notify the administrator on the
following address:
[log in to unmask]
All communications sent to or from the Council may be subject to recording
and/or monitoring in accordance with relevant legislation
Mae'r e-bost hwn ac unrhyw ffeiliau a drosglwyddir gydag ef yn gyfrinachol ac
at ddefnydd yr unigolyn neu'r corff y cyfeiriwyd hwy atynt yn unig. Os ydych
wedi derbyn yr e-bost hwn drwy gamgymeriad, dylech hysbysu'r gweinyddydd yn y
cyfeiriad canlynol:
[log in to unmask]
Bydd yr holl ohebiaeth a anfonir at y Cyngor neu ganddo yn destun cofnodi a/neu
fonitro yn unol Ã’r ddeddfwriaeth berthnasol
*******************************************************************