----- Original Message -----
Sent: Monday, November
29, 2010 2:36 PM
Subject: Ffair Llyfrau
Caerdydd
Annwyl Bawb
Mae gen i ganiatad Delyth i’ch “sbamio”
fel hyn, gan fod gwedd “terminolegol” i’r neges, a gobeithio
y byddwch yn falch o gael yr wybodaeth isod.
I’r rhai ohonoch a fethodd ddod i Ffair Lyfrau
Cymdeithas Bob Owen ym Mhorthaethwy fis Medi, efallai yr hoffech wybod bod y
Gymdeithas yn cynnal un arall yng Nghaerdydd y dydd Sadwrn hwn, 4
Rhagfyr. Bydd Bruce a finnau a^ stondin yno – os bydd y tywydd yn
caniatau – a byddai’n hyfryd eich gweld yno.
Mae gen i rai copiau wedi’u rhwymo o gyfrolau I a II
Geiriadur Prifysgol Cymru, yn ogystal a setiau anghyflawn heb eu rhwymo, a
rhannau o gyfrol III. Rhowch wybod os oes gennych ddiddordeb mewn prynu
setiau (fydda i ddim yn llwytho’r car a^ nhw heb wybod bod eu heisiau),
neu mewn prynu *neu* werthu copiau
i gwblhau setiau (ryw 50c y gyfrol i chi neu i mi?). Rhowch wybod hefyd os
ydych chi’n chwilio am ryw eiriadur/rhestr termau/ llyfr gramadeg
(Cymraeg neu Saesneg) arbennig.
Cynhelir y Ffair yng Nghanolfan y Wallich, Heol y Gadeirlan,
Caerdydd, CF11 7 JF (i’r rhai ohonoch gyda Satnav) o 10 y bore tan 4 y
prynhawn. Bydd y tal mynediad o £1.50 yn cynnwys paned. Ceir 32 o
fyrddau gan gynnwys llyfrau hen a newydd, cardiau elusennol, hen greiriau,
recordiau a CDau, a bydd Hywel Gwynfryn yno i agor y ffair ac i arwyddo ei lyfr
newydd ar Hugh Griffiths.
Ni waeth a allwch fynd yno ai peidio, os oes gennych le i
osod poster rhowch wybod a byddaf yn falch iawn o gael anfon un atoch.
Gyda llaw, mae gennym gyfaill sy’n chwilio am gopi o
“Linguistic Geography of Wales” gan Alan R Thomas.
‘Does dim ots am gyflwr y llyfr. Os oes gennych gopi sbar, byddwn
i’n falch o glywed gennych.
Llawer o ddiolch,
Ann
Ann Corkett
5 Heol Belmont
BANGOR
Gwynedd
LL57 2HS
(01248) 371987
[log in to unmask]
