 |
 |
Dwy ddim yn credu y byddai’r fenter yn llwyddo, a’r rheswm mod i mor besimistaidd yw hyn: fyddech chi ddim yn perswadio digon o’r ysgrifenwyr anwybodus i dderbyn eu bod yn anwybodus. Un o’r profiadau gwaetha ges i erioed mewn swydd gyflogedig oedd bod mewn cyfarfod rhwng criw o gyfieithwyr a gramadegydd blaenllaw, y byddech chi i gyd yn gyfarwydd â’i enw ac yn meddwl amdano fel awdurdod, a gweld ei gynghorion yn cael eu gwrthod. _____ Oddi wrth/From: Discussion of Welsh language technical terminology and vocabulary [mailto:[log in to unmask]] Ar ran Siân Roberts Anfonwyd/Sent: 08 Rhagfyr 2009 13:45 At/To: [log in to unmask] Pwnc/Subject: Re: ATB: ATB: treiglo 'bod' Syniad da! Byddai'n dda gwahodd pobl eraill sy'n gweithio trwy gyfrwng y Gymraeg yno hefyd - newyddiadurwyr a golygyddion y wasg a'r cyfryngau eraill, pobl cysylltiadau cyhoeddus ac ati. Pawb sy'n sgrifennu Cymraeg neu'n defnyddio Cymraeg llafar safonol. Siân On 8 Rhag 2009, at 13:22, Megan Tomos wrote: Cysondeb o fewn dogfen sy'n bwysig. Ond fel rwyt ti'n deud Carolyn gall hynny fod yn anodd wrth ddyfynnu a defnyddio termau a fathwyd hwnt ac yma. Dwi'n cofio gwrando ar Thomas Parry ac academydd arall yn dadlau am hanner awr ar ddiwedd Cynhadledd gan yr Academi am bod a fod a chytuno i anghytuno wnaethon nhw! Mae'n debyg mai anghytundeb o'r fath mewn rhyw bwyllgor termau a arweiniodd at y ffurf Swyddfa'r Post. Roedd y gramadegwr o'r De yn pledio Swyddfa Post (defnyddio Post yn enidol) a'r gramadegwr o'r Gogledd yn pledio Swyddfa Bost (y post yn ansoddeiriol) y cyfaddawd swyddogol a gafwyd oedd Swyddfa'r Post. Efallai ei bod yn bryd trefnu Gweithdy Gramadeg i drafod pethau fel hyn ac i'w trafod gyda'r gramadegwyr sy'n gosod y safonau. Gan fod cymaint o ddarllen ar gyfieithiadau (gobeithio!!) mae'n bwysig eu bod yn ymwybodol o'r problemau sy'n wynebyu cyfieithwyr. Byddai'n dda inni i gyd gael gloywi ein gramadeg!! Megan _____ Date: Mon, 7 Dec 2009 16:20:52 +0000 From: [log in to unmask] Subject: ATB: ATB: treiglo 'bod' To: [log in to unmask] Bosib iawn - fel mae pobl eraill wedi dweud - dw i'n meddwl bod y naill neu'r llall yn dderbyniol - ond mae'n gallu edrych yn ofnadwy o anghyson os yw pawb yn gwneud rhywbeth gwahanol. Mae hyn yn codi'n amlach yn ddiweddar (nid y treiglad yma'n benodol ond cysondeb) oherwydd bod dyfyniadau o strategaethau/mesurau neu deitlau swyddogol ac ati'n cael eu defnyddio mewn dogfennau. Un o'r problemau mwyaf ydy treiglo berfenw neu beidio ar ôl enw benywaidd - e.e. strategaeth gwella/wella ac ati. Mae'r un peth yn wir am dreiglo enwau ar ôl enwau benywaidd e.e. Strategaeth dai/tai. Mae ambell ddogfen sy'n llawn dyfyniadau'n edrych yn ofnadwy o flêr am fod rhai pobl yn treiglo ac eraill ddim. - Does mond angen edrych dan 'strategy' yn 'Term Cymru' i weld y broblem ac nid bai Term Cymru yw hyn achos mae'r teitlau hyn wedi'u bathu gan wahanol gyfieithwyr ac yn aml yn deitlau swyddogol ar ddogfennau. Y broblem yw pan fydd rhywun eisiau sôn am Strategaeth Gofalwyr a Strategaeth Laeth yn yr un paragraff! Carolyn _____ Oddi wrth/From: Discussion of Welsh language technical terminology and vocabulary [mailto:[log in to unmask]] Ar ran Rhian Jones Anfonwyd/Sent: 07 Rhagfyr 2009 16:10 At/To: [log in to unmask] Pwnc/Subject: Re: ATB: treiglo 'bod' Helo Carolyn 'Enw' + 'bod' = 'fod'? Mae gwaelod t.403 yn y Golygiadur yn sôn am 'fannau eraill lle ceir trafferthion gyda threiglo bod'. Hwyl Rhian _____ View your other email accounts from your Hotmail inbox. Add them <http://clk.atdmt.com/UKM/go/186394592/direct/01/> now. No virus found in this incoming message. Checked by AVG - www.avg.com Version: 8.5.426 / Virus Database: 270.14.96/2549 - Release Date: 12/07/09 19:34:00