 |
 |
Gyfeillion, Nid bychan
yw POB un SME,
fel yr awgrymir yn arwynebol gan y term BaCh.
Fel un sydd wedi treulio
ei oes gyfan yn ymdrechu’n gwbl ddi-fudd i ymestyn ac ychwanegu hyd yn oed yr “un
cufydd” lleiaf “at fy maintioli”, gallaf eich sicrhau mai bach (a byth ddim byd mwy na bach), fydd
‘BaCh’; h.y. all Mentrau / Busnesau BaCh ddim cymryd
arnynt eu bod yn cynnwys y maintioli ‘Canolig’
bondigrybwyll. Yn nirnadaeth y cyhoedd, Busnes
BaCh yw ‘busnes bach’; a does dim hyd oed ronyn o obaith yn y term y
gall byth gynnwys busnes sydd efallai ychydig yn fwy na ‘bach’ - sef yn ‘ganolig’
ei faint o bosib. Yng ngwelediad ac yn sŵn y gair (y naill a’r llall) mae BaCh yn allgau ‘Canolig’!
Term slic, lled-greadigol a hanner-clyfar efallai; ond fedrwn i fy
hun ddim caniatáu defnyddio BaCh
gan nad yw’n ymddangos yn ddigon amlwg fod busnesau / mentrau Canolig hefyd yn
cael eu hystyried o dan yr un dosbarthiad. Sori taflu dŵr oer ar derm sydd ar
ei gyffyrddiad cyntaf yn denu’r dychymyg, ond unwaith wedi ei ddadansoddi mewn
gwaed oer, sydd braidd yn gamarweiniol ac yn gorbwyso’n anheg ar un math yn unig
o fusnesau /mentrau (sef y rhai ‘bach’), ar draul dibrisio a mwy na hanner
anwybyddu’r math arall (sef y ‘canolig’). Bias - hwnnw ydi o! A chofiwch chi
hefyd mai’r cerddor mwyaf erioed yn ein hanes oedd y Bach hwnnw o’r Almaen; doedd
O yn sicr ddim yn gerddor ‘canolig’.
Ond stori arall fydd honno.
Eurwyn.
From: Discussion of
Welsh language technical terminology and vocabulary
[mailto:[log in to unmask]] On
Behalf Of Geraint Lewis
Sent: 28 October 2009 16:48
To:
[log in to unmask]
Subject: Re: SME
Maddeuwch un cynnig arall Bach i
Ganolig yw cyfieithiad SME sy'n cynnig BiG fel acronym
Date: Tue, 27 Oct 2009 16:10:54
+0000
From: [log in to unmask]
Subject: Re: SME
To: [log in to unmask]
Da! Ond wedyn fyddai dim modd gwahaniaethu rhwng busnesau
bach a busnesau BaCh...
(canolig nid "cymhedrol", gyda llaw)