Byddai awgrym Geraint, neu golon ar ol "sefyllfa"
yn datrys y broblem.
Carafan[n]au
Pwynt llawer llai pwysig nag "Urdd Gwyrdd" yw hwn,
a gosod y ffeithiau a gofyn cwestiwn ydw i, yn hytrach na dadlau
achos:
Beth amser yn ol, anfonsom at Ganolfan Bedwyr i
ofyn pam oedd lluosog "carafa/n" a^ dwy "n" yn Cysill. Dyma'r ateb a
gefais gan Menna Morgan, a oedd yn gweithio yno ar y pryd:
040701: carafannau: mae Delyth yn mynnu ein bod ni'n dilyn "Orgraff yr
Iaith" a 'carafannau' sydd yn hwnnw. Gofynnodd Helen Smith, sy'n cyfieithu yn y
Brifysgol, paham ein bod ni'n cynnig 'carafannau' yn lle 'carafanau'.
Efallai
y gwnawn ni newid hwn ...!"
Alla i ddim dod ar draws yr union dudalen rwan yn
"Orgraff yr Iaith", efallai ei fod mewn argraffiad diweddaraf na'm un innau, ond
cofiaf ein syndod. Byth ers hynny, 'dw i wedi ysgrifennu "carafannau" efo
dwy "n", ond gwelaf fod hyn yn "well-kept secret" (fel mae'r rhaglenni teithio'n
ei ddweud) ac nad yw hyd yn oed TermCymru yn gwybod amdano!
Nodais hefyd y neges hon ar W-T-C:
Eirlys Williams, W-T-C,050517: Mae gen i frith gof i "Enid P." ddweud na
ddylid dyblu'r 'n' mewn enwau lluosog oedd yn amlwg wedi tarddu o iaith arall
e.e. carafanau a.y.y.b.
Efallai dylai fod rhyw benderfyniad
cenedlaethol ar ran Cysill a TermCymru (o ddewis, cyn ailgyhoeddi
GyrA!). Os mai un "n" yn unig sydd mewn enwau deddfwriaeth, mae'n mynd i
fod yn anodd newid - a beth am berchnogion afleoedd carafan[n]au sydd wedi
gwneud ymdrech i barchu'r iaith?
Os
Os dymunwn fod yn fanwl gywir, 'roeddwn i'n meddwl
bod angen berf ar ol "os", nid dim ond "os yn anghenrheidiol".
Ann
----- Original Message -----
Sent: Thursday, July 03, 2008 3:52
PM
Subject: Re: Treiglo a chenedl
geiriau
Wel dyna ni. Mae'r Urdd wedi agor y llifddorau go
iawn rwan yndo.
Ond o ddifri, dwi ddim yn meddwl bod Gwyrdd,
Melyn a Choch yn cael eu defnyddio yn y fan hyn fel ansoddeiriau i ddisgrifo
'sefyllfa'. Mae'n debyg mai defnyddio'r gair "sefyllfa" ydi'r camgymeriad. Mi
fasa dweud "GWYRDD: Y tywydd..." ac ati yn gwneud y tro yn iawn.
Geraint
(carafanau sy'n gywir, gyda llaw, yn ôl
GyA)
----- Original Message -----
Sent: Thursday, July 03, 2008 3:42
PM
Subject: Treiglo a chenedl
geiriau
Dwi’n meddwl y bydd yn rhaid i ni anghofio
am dreiglo a/neu genedl geiriau (a sawl peth arall).
Welsoch chi hyn ar wefan yr Eisteddfod
Genedlaethol, ar y dudalen sy’n sôn am y Maes Carafanau (sic) a
Gwersylla?
“Gweithredir sustem ar gyfer cerbydau sydd
am aros ar y maes, fel â ganlyn:
SEFYLLFA GWYRDD: Y
tywydd yn iawn - dim peryg o niweidio'r tir.
Caniateir i chi symud y
car, os yn angenrheidiol.
SEFYLLFA MELYN: Y
tywydd yn troi, - peryg o niweidio'r tir.
Gofynnir i chi beidio symud y
car, oni bai ei bod yn gwbl angenrheidiol.
SEFYLLFA COCH: Y
tywydd yn wael - cerbydau yn achosi difrod i'r caeau.”
http://www.eisteddfod.org.uk/cymraeg/content.php?nID=114
Claire
No virus found in this incoming message.
Checked by AVG.
Version: 8.0.134 / Virus Database: 270.4.4/1532 - Release Date: 03/07/2008
08:32
