'Llanfleiddan ger Y Bont-faen yw ffurf gywir yr enw a ysgrifennir weithiau yn Llanbleddian. Mae'r ffurfiau yn -b- yn ddyledus i gyndynrwydd y traddodiad ysgrifenedig, gan mai Llanfleiddan fyddai'r ynganiad naturiol. Ni wyddys dim am y sant, Bleiddan, a goffeir. Creadigaeth Iolo Morgannwg, mae'n debyg, yw'r ffurf Llanfleiddan Fawr'.

 

Dyw Gwynedd Pierce ddim yn cynnig esboniad o enw'r lle yn Place-names in Glamorgan.

 

Dyw'r ffurf 'Fach' ddim i'w gweld ar fap 1:25,000 yr Arolwg Ordnans o Gaerdydd a'r Fro, ond dros bont yr afon sy'n llifo heibio i Lanfleiddan mae clwstwr o dai. Fe all mai enw gwneud (ac answyddogol?) ar y clwstwr hwnnw yw 'Llanfleiddan Fach/Llanblethian Fach/Llanbleddian Fach'.

 

Berwyn