Fel un a fu'n byw yn yr ardal am ugain mlynedd ac yn pasio heibio Loggerheads a Thafarngelyn bob dydd ar fy ffordd i'm gwaith bryd hynny, alla'i ddweud na chlywais neb erioed yn rhoi enw arall ar Loggerheads heblaw Loggerheads. Dim ond y felin a'r dafarn sydd yn y lle yn wir, ac fe ddaw'r enw o enw'r dafarn - " the We Three Loggerheads" - fe baentiwyd yr arwydd enwog gan yr arlunydd Richard Wilson, mae'n debyg i dalu dyledion diod. Mae'r arwydd yn dangos ddau benrwdyn eitha dwl yr olwg - a'r jôc weledol wrth gwrs wrth i chi ofyn " Lle mae'r trydydd?" ydi'r ateb a ddaw, sef- "Yn syllu arno fo!"