 |
 |
http://ephemeris.alcuinus.net/cinemata.php CINEMATA Diabolum Pradae vestibus indui (The devil wears Prada) USA - MMVI Direxit: David Frankel; in scaenam traduxit Aline Brosh Mckenna; imagines curavit: Florian Ballhaus; musicam delegit: Theodore Shapiro; pelliculam composuit: Mark Livolsi; produxerunt: 20th Century Fox, Fox 2000 Pictures, Peninsula Films; distribuit 20th Century Fox Partes maximi momenti egerunt: Meryl Streep (Miranda Priestly), Anne Hathaway (Andrea Sachs), Stanley Tucci(Nigel), EmilyBlunt (Emily), Adrian Grenier (Nate) Ecce pellicula de feminarum potestate ac vi enarrans: iuvenis Andrea Sachs, recentissime diurnaria renuntiata, Novi Eboraci magna cum spe laborem suum exercere vult. Inopinate auxilium fit Mirandae Priestly, rectricis actorum menstruorum "Runaway", ubi vestium feminearum regulae statuuntur. Miranda saeve in omnes, qui secum operam dant, dominatur: non auxilium, servam vero eget, quae quandocumque ubicumque quidlibet tyrannae comparare debeat. Andrea animam suam diabolo, quae Pradae vestimanta gerit, cedere non vult, sed mox gloriae et potestatis cupidine rapta habitumque modosque mutabit, sponso suo humili derelicto et collega superata. Exitus narrandus non est, ut spectator ipse narratione gaudeat. Pellicula ex libro item appellato scriptricis Lauren Weisberger orta est: quae diurnaria auxilium per menses sex fuit Annae Wintour, rectricis actorum "Vogue America", quo scripto ante triennium edito Lauren ulta esse videtur. Alacre atque vividum cinema aspicias, in fulgentibus et sumptuosis locis enarrato, quibus iam multi in serie televisifica "De amore et urbe" (Sex and the City) gavisi sunt: David Frankel enim seriem illam cum aliis direxit. Optima histrionum sine ullo dubio Meryl Streep ibi fuit, saeva et inhumana dominatrix comam argentea, algida oculos: nullus motus animi, nulla voluntas audiendi personam attingere potest: Miranda mastrucam suam cotidie in tabulam scriptoriam auxiliatricis suae neglegenter deicit, sibi ientaculum celerrime ferri postulat, noctu diuque per telephonum mobile quidquid iubet et vult, etiam praeclari Harry Potter narrationem illam, quam bibliopolae nondum venum dant. Ite spectatum, si duas iucundas horas agere volueritis! Scripsit Herimannus Novocomensis * * Film-Philosophy Email Discussion Salon. After hitting 'reply' please always delete the text of the message you are replying to. To leave, send the message: leave film-philosophy to: [log in to unmask] For help email: [log in to unmask], not the salon. **