Simposio ILG 2005 Na nosa lyngoage galega A emerxencia do galego como lingua escrita na Idade Media Organiza: Instituto da Lingua Galega e Consello da Cultura Galega Data: 2 de novembro a 2 de decembro de 2005 Lugar: Salón de graos, Facultade de Filoloxía, Santiago de Compostela. Contacto: [log in to unmask] O simposio Na nosa lyngoage galega xirará ao redor do proceso de incorporación do galego á escrita medieval. O contido das conferencias pronunciadas no seo do simposio estará vinculado cos seguintes eixes: 1) o encadramento xeral da emerxencia da forma escrita no marco europeo, en relación coa renovación xurídica que propiciou o paso á escrita das linguas vulgares; 2) o paso do latín ao romance no noso contexto xeográfico, ollando para o acontecido noutras áreas lingüísticas e políticas da Península Ibérica: Aragón, Cataluña, León, Castela e Portugal; 3) a historia da Galicia do momento; 4) os primeiros alentos escritos do romance galego: na literatura (verso e prosa) e na documentación; e 5) o estado da lingua galega no momento da súa emerxencia escrita: planos gráfico, morfosintáctico, léxico, onomástico, da variación dialectal, etc. Máis información en: http://www.usc.es/ilgas/Simposio%202005/Simposio%202005%20ILG.html Francisco Dubert García Departamento de Filoloxía Galega Universidade de Santiago de Compostela 15782 Santiago de Compostela (España) http://web.usc.es/~fgdubert ************************************************************ The GALICIAN-STUDIES discussion list is administered by the Gonzalez-Millan Group for Galician Studies (GMGGS), the English-language section of the Asociacion Internacional de Estudios Galegos (AIEG). For more information about these groups, please contact the list owners. ************************************************************