Mewn hysbysebion swyddi ac ati, dw i o blaid dangos mewn rhyw ffordd y gwahoddir ceisiadau gan ddynion a menywod ond fel arall dw i'n tueddu i ddefnyddio '-wr', yn rhannol er mwyn osgoi pethau fel "rheolwraig gyfarwyddwraig".
Sian
----- Original Message -----
From: Berwyn Jones
To: [log in to unmask]
Sent: Friday, November 30, 2001 8:59 AM
Subject: Re: Terfyniadau wr/wraig/ydd
Mae hwn yn faes dyrys gan fod gwahaniaeth barn ymhlith merched a menywod am fuddioldeb bod yn 'gynhwysol' a chynnwys amrywiadau fel -wr/-wraig/-ydd. Mae'r rhai sy'n teimlo'n gryf am y gorthrymu a fu ar ferched/fenywod yn y orffennol yn tueddu i fod o blaid cynnwys yr amrywiadau, a'r rhai sy'n teimlo'n hyderus ynghylch eu benyweidd-dra os dyna'r gair iawn) fel petaen nhw'n ddigon hapus i ddefnyddio'r terfyniad -wr. Ar y llaw arall, clywyd hanes am y Comisiwn Cyfle Cyfartal, os cofiaf yn iawn, yn bygwth peidio talu cyfieithydd oni bod yr amrywiadau'n cael eu cynnwys yn y cyfieithiad bob tro!
O ran 'rheolwr'/rheolwraig', y problem ynghylch 'rheolydd' yw ei fod yn air da am 'regulator' (ar injan ste^m ac fel person!). Ac a oes gair sy'n fwy tebyg o beri i'ch dannedd gosod ddod yn rhydd na 'cyfarwyddydd'?
Efallai y dylwn ofyn i'r rhyw deg am eu sylwadau cyn mentro i'r faes!
Berwyn
(aelod o'r rhyw hyll)
----- Original Message -----
From: catrin alun
To: [log in to unmask]
Sent: Thursday, November 29, 2001 11:04 PM
Subject: Terfyniadau wr/wraig/ydd
Ar ôl darllen ymateb Berwyn i'r Single Relationship Manager, fe'm hatgoffwyd bod angen cyngor arna'i.
Beth yw'r arfer bellach, yn y byd hynod wleidyddol gywir hwn, ynghylch terfyniadau ar eiriau fel rheolwr/wraig/ydd, llywodraethwr/wraig/ydd a.y.y.b.
Dwi'n cael fy hun yn defnyddio rheolwr pan mai dyn sydd yn y swydd a rheolydd ar gyfer merch!!! Dwi'n ymwybodol nad yw hyn yn gwneud synnwyr - felly beth yw barn y panel? h.y. chi!
Diolch
Catrin
